準媽媽日記[三]: 懷孕中期分享 (對抗妊娠紋、營養補充品、肥B不肥媽飲食心得)

不經不覺 (其實都幾難捱), 
我已經進入懷孕中期 (13- 27週)
依家已經是20週 (5個月)的身孕了!
可能我本身偏瘦 (未懷孕前是45KG)、
8-12週的孕吐及頭暈令我少了5KG (哭...)、
肚皮本來無咩脂肪 (未懷孕前是23.5吋腰),
所以, 5個月的孕肚一點都不明顯 (值得開心嗎?)
老人家(媽咪及奶奶)都話我個肚O係邊...好搞笑!
但我個人覺得BB健康成長就無問題啦! 
超聲波照到身長及腿長比一般同期BB長tim~~~
側身影+食飽下, 是會有微微突出的肚子哦~

今日分享下懷孕中期的種種保養:
對抗妊娠紋
由於我本身pat pat有橙皮紋,
所以我唔想肚皮也有妊娠紋, 
早在懷孕2個月開始搽右一的冷榨椰子油
可以滋潤肚皮及增加皮膚彈性
到了懷孕3個月開始用預防妊娠紋的
左一/二的Bio-oil及右二的有機防紋lotion

左一/二的Bio-oil成份包含維他命A及E、
金盞花油、薰衣草油、迷迭香油及洋甘菊油
幫助淡化所有類型的疤痕,
能有效地幫助淡化已出現的妊娠紋,
並且提高皮膚的彈性以預防新妊娠紋的形成,
就是說, 產前產後也可以用它!

我用的是托朋友在南非代購大支裝200ML
有興趣可以PM/留言比我代購 (比萬寧平好多)
不要以為只需在腹部塗上就OK
妊娠紋可能出現在髖部(下陰)、下背部及大腿
所以, 每天沖涼後, 我會集中按摩呢幾個部分,
預防勝於治療哦~!

它的質地是淡淡的透明粉橙色油狀
用的份量要夠多, 呢個份量只是for 肚皮!

按摩手法是:
肚皮--
1. 先打圈推均bio-oil在肚皮上, 
由下腹以細圈打圈按摩方式、沿肚臍按摩
2. 由下而上推肚皮, 防止子宮下垂
3. 由腰間兩旁推向肚臍
*每個動作都要'輕力' + '慢'地重覆5次

完成後, 皮膚要好似下圖咁滋潤先=用油的份量足夠
放心, 它是不油膩的, 而且味道帶點花草的清香
令人好relax! 油感會在10分鐘左右消失,
我搽完body lotion + 刷牙洗臉後,
已經吸收晒, 可以著返衫喇~!

另一支Swiss Naturlich在一田買的,
見到荷花都有售,
德國製的有機純天然防妊娠紋乳霜
有助增加皮膚結構組織的彈性,
避免皮膚因膨脹或收縮而形成的體紋,
有效防禦因懷孕或減肥體重驟變而引起的皮膚裂紋。
更可以減少皮膚繃緊及痕癢
(肚皮漲時, 皮膚好緊及會好痕!),
而且它寫明有機純天然成份對孕婦及胎兒絕無副作用,
令我可安心使用

有機純天然植物提煉
含豐富小麥胚芽、葵花籽油、橙花卉水、
辛酸/癸酸甘油三酯、甘油、
鯊烷(棕櫚油)、維生素E醇

呢支我在早上用, 不用等10分鐘就吸收晒,
O岩晒早上趕返工使用!
按摩手法: 
1. 在手掌上倒出五元硬幣般大小的lotion
2. 把雙手合攏,推開護乳露,塗抹腹部
3. 由腹部內至外順時針打圈輕輕按摩
4. 直至完全滲透為止
5. 乳房、大脾內側、臀部位置也會塗一點
它的質地比bio-oil杰身,
但不油不膩, 不會令衣服泛白,
唯一問題是草味好濃,
好似搽左男人香水咁,
好彩15分鐘就散左陣味!

營養補充品:
上回講到頭3個月,
BB係唔需要吸收太多母體的營養,
因此, 唯一要補充的是葉酸
我食的是醫生處方的單純葉酸 (左邊黃色一小粒),
各位孕媽媽/準備懷孕的SIS,
可以在想有BB前先食定
原因請爬文:
準媽媽日記[一]: 懷孕初期1 - 12週分享 (超長文分享孕吐、頭暈、飲食心得)
過了3個月,
醫生建議我食埋惠氏出的
Materna (粉紅色, 大大粒的一顆)


每日一粒, 已有齊23種懷孕所需的維他命
好似:
鈣質及維他命D: 有助支持骨骼健康
硒: 有助支持免疫功能
鐵: 有助身體製造血液3和支持胎兒腦部發展
對於我食量唔多、進食的食物種類唔多、
唔可以飲奶的媽媽 (一飲就嘔返...),
真的要靠佢補充下營養!
不過, 我都遇到便秘的問題
聽講食過量維他命會引起便秘,
但我會多飲水、食2個生果、
食多D纖維高的菜,
情況都有改善!


而懷孕第4個月, 我開始補充DHA,
食緊NutriMama DHA 魚油膠囊

它提供優質又方便的DHA補充,
有助BB的成長,特別是代謝機能、腦部及免疫力的發展,
為寶寶建立他的終生健康的基礎

每粒獨立包裝
它的表明是磨砂面
易於吞服

另一款是惠氏媽媽藻油丸
也是一粒=孕婦一日所需DHA

品牌廣告標榜一項研究指出,
與沒有補充藻油DHA的孕婦比較,
孕婦由少於懷孕20週起開始
每天補充600mg藻油DHA直到分娩,
較少早期早產(少於34週的分娩)。
但至於少於37週的分娩,兩組的發生率則沒有分別。
DHA更有助胎兒神經管道及腦部健康發展,
個人認為同深海魚提取的DHA,
最大好處是減少了攝取水銀的可能,
而且素食的媽媽都可以放心食用!
我手上的是登記惠氏媽媽會員送的8粒裝
試過幾次, size細D、比Nutrition的易服
食完手上的會轉食它


肥B不肥媽外出飲食心得
因為早前無咩胃口+唔想用微波爐叮飯(有幅射?!)
所以, 返工lunch變成外食!
先來幾張錯誤/放縱示範:
BB好中意食重口味+辣野
一星期總要食一次咖哩!
孕吐減少後, 我都比自己/佢食
當係增增磅...
每次連飯都一整碟吃光光,

從前未試過...好大食!

另一最愛是酸辣米線,
從前唔食得咁辣,
依家好中意!!!

另外一個'放縱'就是隔日一杯奶茶/咖啡
唔飲唔精神/悶悶作嘔,
問過醫生, 一日飲一杯200ML是OK的
不多過兩杯就OK!
所以, 其實我是不太戒口的孕婦 (笑)

看了咁多錯誤示範,
來一些正確示範吧~
以下是我每日都飲及食的'有益'食物!

合桃中含大量的維他命E、亞麻酸以及磷脂等。
亞麻酸在人體內可合成OMEGA 3不飽和脂肪酸,
是大腦需要的成份,其中的DHA被譽為『腦黃金』。
對媽媽有補氣養血、溫肺潤腸的作用。
對BB的腦發育非常有利。
因此,我每天吃5-6粒即食核桃。
呢款在百佳買, $2X咋, 無鹽無糖,
當小食不錯~!
*PS: 孕婦有高血糖、血脂和血壓就不宜進食
它的脂肪含量高呀。

因為唔飲奶, 同事建議我飲鈣思寶
比較兩者的糖及鈣,
發現鈣思寶含糖比脫脂奶低,
而鈣含量更高!
不過鐵及蛋白質就差D,
要靠Materna、烚蛋等補充啦~

如果準媽媽本身肥胖OR已經有超重問題 
(整個孕期只可以重10-15KG)
我建議少吃白飯及澱粉質食物
出外吃飯, 可嚴格執行以下建議, 咁就可以肥B不肥媽:
1. 吃飯次序: 先飲湯, 吃菜, 再吃肉, 
最後吃飯/麵; 減少澱粉質攝取

2. 菜式選擇: 吃2份菜先吃一份肉, 
以蒸/烚/燉比煎/炸/炒為佳; 減少油份攝取
3. 多食蛋白質, 少食澱粉質: 
優質的蛋白、瘦肉、芝士、牛奶,
比飯、麵等澱粉質更易被BB吸收,
我早上都會食1隻烚蛋,
中午如果有機會都會揀有蛋的菜式,
如蛋包飯/蛋牛飯

4. 避免以醬汁撈飯: 一來醬汁油份、鹽份多, 
二來醬汁撈飯令人不知不覺間食多左飯

5. 食得夠'尖': 如肉類應去皮且不吃肥肉,只吃瘦肉部份;
油炸食品先去油炸表皮後再吃

6. 湯及水果在飯前/飯後1小時進食: 
如果是飯後湯/果, 會影響消化及營養吸收

6. 早餐量多、午餐適中、晚餐少量: 
早餐吃最多, 午餐適量, 晚餐最少; 
因為晚上已不再消耗熱量=熱量積聚

我也是控制自己食少D飯,
肉類只吃一次,
營養師話,
一日只需一隻手板大的肉類
就夠喇~唔好食多呀!

重溫「準媽媽日記」:


LIKE ME ON Instagram


 LIKE ME ON FACEBOOK:


Email: abbylovebeauty@yahoo.com.hk

留言

熱門文章